இஞ்சிப் பச்சடி

இஞ்சிப் பச்சடி


தேவையான பொருட்கள்

இஞ்சி - 25 கிராம்
பச்சை மிளகாய் - 1
துருவிய தேங்காய் - 2 தேக்கரண்டி
உப்பு தேவைக்கேற்ப
எண்ணெய் - சிறிது
தயிர் - 1/2 கப்
தாளிக்க - கடுகு, உளுத்தம்பருப்பு, கறிவேப்பிலை
அலங்கரிக்க - கொத்துமல்லி

செய்முறை.

இஞ்சியின் தோல் சீவி சிறு சிறு துண்டுகளாக நறுக்கிக் கொள்ளவும். ஒரு கடாயில் சிறிது எண்ணேய் விட்டு நறுக்கிய இஞ்சித் துண்டுகளைப் போட்டு அடுப்பிலிட்டு மிதமான தீயில் வதக்கவும். பின் ஆற விடவும்.

வதக்கிய இஞ்சித் துண்டுகள், துருவிய தேங்காய், பச்சை மிளகாய் இவற்றுடன் உப்பையும் சேர்த்து மிக்சியில் அரைத்து எடுக்கவும்.

அரைத்த கலவையை தயிரில் சேர்த்து கடுகு, உளுத்தம் பருப்பு, கருவேப்பிலை ஆகியவற்றால் தாளித்து கொத்துமல்லியால் அலங்கரிக்கவும்.

இந்தப் பச்சடி அஜீரணத்துக்கு நல்ல மருந்தாகும். எந்த துவையலுடனும் சாப்பிட நன்றாக இருக்கும்.