பருப்புத் துவையல்

பருப்பு துவையல்


தேவையான பொருட்கள்

துவரம் பருப்பு - 1 கப்
துருவிய தேங்காய் - 1/2 கப்
மிளகாய் வற்றல் - 4
மிளகு - 4 அல்லது 5
உப்பு சுவைக்கேற்ப
எண்ணெய் - சிறிது

செய்முறை

ஒரு வாணலியில் சிறிதளவு எண்ணெய் விட்டு அதில் துவரம் பருப்பு, மிளகாய் வற்றல், மிளகு ஆகியவற்றைப் போட்டு மிதமான தீயில் நிறம் லேசாக மாறும் வரை வறுத்து பின் ஆற வைக்கவும்.

துருவிய தேங்காய், உப்பு இவற்றுடன் சேர்த்து மிக்சியில் அரைக்கவும். தேவையான அளவு தண்ணீர் சேர்த்து நைசாக அரைத்து எடுக்கவும்.

குறிப்பு : சாதத்துடன் சிறிது நெய் அல்லது தேங்காய் எண்ணெய் விட்டு துவையலுடன் கலந்து சாப்பிடலாம். தொட்டுக் கொள்ள ஓமக் குழம்பு சுவையாக இருக்கும்.